2022 елның 23 сентябрендә 18:30 сәгатьтә филармония сәхнәсендә Дәүләт академик Омск рус халык хоры «Наследники Сибири» AR-программасын тәкъдим итте. Бу Омск хорының уникаль проекты. Анда традицион сәнгать, виртуоз хореография, вокаль осталык - өстәмә чынбарлыкның заманча технологияләре белән кушыла.
Дәүләт академик Омск рус халык хоры - Россия Федерациясе Президенты гранты иясе, Халыкара һәм Бөтенроссия конкурслары лауреаты, Себер төбәгенең визит карточкасы, Россиядә һәм чит илләрдә милли мәдәниятнең иң якты вәкиле, җыр традицияләре, дәртле үзенчәлекле биюләр хәзинәсе, халык стилистикасында эшләүче заманча авторлар әсәрләрен кабатланмас башкаручы коллектив.