27 - 28 август көнне Әлмәт һәм Түбән Кама шәһәрләрендә Татар дәүләт филармониясе гөрләтеп “Республика байлыгы” дип аталган өр-яңа музыкаль проект тәкъдим итте. Тамашачылар танылган артистларны тулы зал белән каршы алдылар. Сәхнәдә чараның башыннан ахырына кадәр халык артисты Рәсим Ильясов җитәкчелегендәге “Казан нуры” инструменталь ансамбле уйнады. Проект җитәкчесе -Татарстан Республикасының халык артисты Вил Усманов. Концертны алып барды Алсу Мөлекова.