Филармония өр-яңа музыкаль проект тәкъдим итә! 16 декабрьдә 18:30 сәгатьтә «Һаман истә» дип аталган ретро-концерт булачак. Бу кичәдә 70-80 еллардагы танылган, халык яраткан иң популяр җырлар яңгырыячак. Татар дәүләт филармониясе солистлары Сара Садыкова, Рөстәм Яхин, Салих Сәйдәшев, Мансур Мозаффаров кебек мәшһүр татар профессиональ композиторлары әсәрләрен, татар халык җырларын башкарачаклар. Махсус чакырылган артист – Татарстан Республикасының халык артисты Зөһрә Сәхәбиева. Ретро-концертка билетлар алып калырга ашыгыгыз!