19 октябрьдә Төркмәнстанда Татарстан Республикасы мәдәнияте көннәре тәмамланды. Ачылу тантанасы Төркмәнстан дәүләт мәдәни үзәгенең Мукамов сараенда узды. Бу бәйрәмдә Россиянең атказанган, Татарстанның халык артисты Айдар Фәйзрахманов җитәкчелегендәге Татарстан Республикасы фольклор музыкасы дәүләт ансамбле катнашты. Татарстан мәдәнияте көннәрендә коллективның «Алтын фонд»ында булган композицияләр башкарылды.