«Илһамлы яшьлек»
Габдулла Тукай исемендәге Татар дәүләт филармониясе коллективлары «Пушкин картасы» федераль программасы кысаларында балалар һәм яшьләр өчен республика буйлап актив гастрольләрдә йөрүләрен дәвам итәләр.
Бүген филармониянең яшь, талантлы артистлары «Илһамлы яшьлек» концерт программасы белән Яшел Үзән районының Осиново бистәсендә чыгыш ясады.
Татарстанның халык артисты Вил Усманов җитәкләгән бу төркемдә талантлы җырчылар – Татарстанның атказанган артисты Марсель Вәгыйзов, халыкара конкурслар лауреатлары: Илгиз Шәйхразыев, Зәринә Хәсәншина, Илгиз Мөхетдинов, Илүсә Хуҗина, Алмас Хөсәенов, баянчы Ильяс Шәрипов эшли.
Артистларыбыз залны искиткеч энергетикага, җыр-моңга күмде.
Яшь тамашачылар ике сәгать дәвамында халкыбызның мирасы булып саналган үлемсез әсәрләр тыңладылар, татар әдәбияты белән таныштылар, татар эстрадасын үзләре өчен яңа яктан ачтылар.
Исемең җисемеңә туры килә «Илһамлы яшьлек»! Афәрин!
Позвонить нам
Написать нам