Котлыйбыз!

Котлыйбыз!

Котлыйбыз!

05.09.2019

Бүген – 5 сентябрьдә танылган җырчы, Татарстанның халык артисты Фердинанд Рафаил улы Фәтхигә 60 яшь тула! Күркәм юбилее уңаеннан, аңа саулык-сәламәтлек, озын гомер, иҗади уңышлар телибез.

 

Ул 1990-1994 елларда ул Татар дәүләт җыр һәм бию ансамбле, 1994-2003 елларда Габдулла Тукай исемендәге татар дәүләт филармониясенең эстрада бүлеге солисты була. Ансамбль белән бергә аңа Татарстанның һәм Русиянең зур шәһәрләрендә, шулай ук Венгрия, Төркия, Финляндия кебек чит илләрдә гастрольләрдә булырга насыйп була. Эстрада бүлегендә ул музыкантлар Люция Камалова, Илфират Гыйззәтуллин, Фәрит Хатыйпов, җырчы Лилия Зәйнуллина, биюче Кәүсәрия Сираҗетдинова, нәфис сүз остасы Рәшит Сабиров һәм башкалар белән бергә эшли. Аның чыгышлары башкаланың төрле театр һәм концерт залларында, Татарстанның һәм Россиянең бик күп төбәкләрендә зур уңыш белән уза.

Фердинанд Фәтхи күренекле дирижер Анатолий Шутиков җитәкчелегендәге ТР халык уен кораллары дәүләт оркестрына кушылып халыкчан, лирик җырлар белән беррәттән, мәшһүр композиторларыбызның классик әсәрләрен дә уңышлы башкара. Аның башкаруында бик күп җырлар Татарстан телерадиокомпаниясенең алтын  фондына язылган. Җырчы бүгенге көндә Казан шәһәр филармониясендә солист-башкаручы.

 

Тәфсилләп алга таба

Язылу

Безнең яңалыкларга язылыгыз һәм барлык акцияләрдән, вакыйгалардан,
концертлардан һәм фестивальләрдән хәбәрдар булыгыз