Тат
Рус 
«Фидакарь хезмәте өчен» медале иясе Усман Альмеевның тууына 103 ел...
Бүген күренекле опера һәм эстрада җырчысы, ТАССРның халык артисты (1957), «Фидакарь хезмәте өчен» медале иясе Усман Альмеевның тууына 103 ел...
Бүген Татар филармониясе солистлары һәм ветераннары Түбән Камада чыгыш ясый.
Бүген Габдулла Тукай исемендәге Татар дәүләт филармониясе солистлары һәм «Илһамият» клубы ветераннары Түбән Каманың Халык иҗаты йортында концерт бирәләр.
Әнгам Атнабаевның тууына 90 ел тулуга багышланган әдәби-музыкаль кичә
Габдулла Тукай исемендәге Татар дәүләт филармониясендә Башкортстанның халык шагыйре Әнгам Атнабаевның тууына 90 ел тулуга багышланган әдәби-музыкаль кичә булды.
Татарстан Республикасы фольклор музыкасы дәүләт ансамбле Арчаның картлар һәм инвалидлар йортында Хәйрия концерты куя.
Бүген көндез Россиянең атказанган, Татарстанның халык артисты Айдар Фәйзрахманов җитәкчелегендәге Татарстан Республикасы фольклор музыкасы дәүләт ансамбле Арчаның картлар һәм инвалидлар йортында Хәйрия концерты куя. Кичен ансамбль Арча район мәдәният йортында чыгыш ясый. Иртәгә, 28 февральдә, фольклор музыкасы ансамбле Чаллы шәһәренең «КАМАЗ» мәдәният сараенда концерт бирәчәк.
Юбилейга – «Җыр бәйрәме»!
Казанда Татарстанның халык артистлары Фәрит Хатыйпов һәм Рабига Сибгатуллиналарның 70 яшьлек юбилейларына багышланган «Җыр бәйрәме» булды.
ӘНГАМ АТНАБАЕВ ХАКЫНА!...
Быел 23 февральдә халык шагыйре Әнгам Атнабаевның тууына 90 ел тула. Бу уңайдан 26 февральдәТатар филармониясендә зур әдәби-музыкаль кичә дә булачак. Атаклы Атнабай шигырьләрен укучыларга, тыңлаучыларга тагын да күбрәк ишеттерү өчен, татар проектларын күтәреп алучы, татар дип җан атучы "Татар -информ" агентлыгы һәм "Тәртип" радиосы белән берлектә видео һәм радио-проект та башладык әле без – Әнгам Атнабаев шигырьләрен театр һәм эстрада артистлары укый! Бүген беренче язулу көне иде.
Фольклор музыкасы ансамбле юбилей концертында катнаша
Бүген, 19 гыйнварда, Россиянең атказанган, Татарстанның халык артисты Айдар Фәйзрахманов җитәкчелегендәге Татарстан Республикасы фольклор музыкасы дәүләт ансамбле Ульян өлкәсенең 75-еллыгына багышланган тантаналы концертта чыгыш ясый. Концерт Ульянда, Ленин мемориалының Зур залында 15 сәгатьтә башлана. Бәйрәм чарасында өлкә губернаторы Сергей Морозов катнаша.
XXI гасыр Филармониясе: ретро мы, авангард мы?
"Филармония" төшенчәсе миңа балачакта зер бер сер кебек тоела иде. Әлфия Авзалова, Илһам Шакиров, Флера Сөләймановалар өебездәге тәлинкәдә һәр көн әйләнә, әбием исә аларны һәр куйган саен "филармония җырчылары" дип атый. Шулчакта тавышында горурлык та, ихтирам чаткылары да чагылып китә. Әнә шул балачак ихтирамын һәм горурлыгын ияртеп барам мин хәзер дә Татар дәүләт филармониясендә узган һәр концертка. Һәм ул тойгылар кимеми, ныгый гына төшә. Монысы – икеләтә сөенеч.
Кичә, 19 октябрьдә, Татарстанның халык артисты Рамил Курамшинның 70 яшьлек юбилеена тәгаенләнгән зур бүләк юбилярга тапшырылды.
Кичә, 19 октябрьдә, Татарстанның халык артисты Рамил Курамшинның 70 яшьлек юбилеена тәгаенләнгән зур бүләк юбилярга тапшырылды. Танылган музыкант һәм композитор Татарстан Президенты Рөстәм Миннеханов бүләген автосалоннан йорт ишегалдына алып кайтып куйды. Бүләк – «Lada Granta» автомобиле. Номеры – А125ЕК 716. Рамил Курамшинны бу номерның хәрефләре бигрәк тә таң калдырган. «Машинада АЕК шофер гына йөрергә тиештер инде», - ди. Рамил Курамшинның моңарчы беркайчан да машинасы булмаган, йөртү таныклыгы да юк. Яңа машинада Рамил Курамшинны хәзер Данил исемле оныгы йөртәчәк. Котлы булсын, Рамил Сөләйманович! Исән-сау йөрегез!
2017 елның 19 ОКТЯБРЕНДӘ (10.00 сәг) Россиянең атказанган, Татарстанның халык артисты Гали Ильясов истәлегенә мемориаль такта ачу тантанасы була.
017 елның 19 ОКТЯБРЕНДӘ (10.00 сәг) Россиянең атказанган, Татарстанның халык артисты Гали Ильясов истәлегенә мемориаль такта ачу тантанасы була. Мемориаль такта җырчы яшәгән йорт диварына – Казан шәһәре, Сул Болак урамы 56нчы йорт адресы буенча урнаштырылган. (КФУның яңа бинасы янындагы йорт).
Филармониядә сәнгать осталарының исемнәрен агач утыртып мәңгеләштерәләр
3 октябрьдә 10.00 сәгатьтә Г.Тукай исемендәге татар дәүләт филармониясе паркында агач утыртылачак.
Татар дәүләт филармониясендә Мөслим Магомаев истәлегенә концерт була
Быел 17 августта миллионлаган тамашачының яраткан артистына 75 яшь тулган булыр иде.